Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 016a,002 Autor: Bieiris de Romans Gènere: Canso Número: XLIII

 

Na Maria, prètz e fina valors

I	1	Na Maria, prètz e fina valors,
		E'l jòi e'l sen e la fina beutatz,
		E l'aculhir e'l prètz e las onors,
		E'l gen parlar e l'avinen solatz,
	5	E la douç car' e la gaia cuendança,
		E'l douç esgart e l'amorós semblan
		Que son en vos, don non avètz engança
		Me fan traire vas vos ses còr truan.
II		Per que vos prèc, si'us platz, que fin' amors
	10	E gausiment e douç umilitatz
		Me posca far ab vos tan de socors,
		Que mi donetz, bèla Domna, si'us platz,
		Çò don plus ai d'aver jòi esperança ;
		Car en vos ai mon còr e mon talan,
	15	E per vos ai tot çò qu'ai d'alegrança
		E per vos vauc mantas vetz sospiran.
III		E car beutatz e valor vos enança
		Sobre totas, qu'una no'us es denan,
		Vos prèc, si'us platz, per çò que'us es onrança
	20	Que non ametz entendidor truan.
IV		Bèla Dòmna, cui prètz e jòi enança
		E gen parlar, a vos mas coblas man,
		Car en vos es gaiez'e alegrança
		E tot lo ben qu'òm en dòmna deman.