Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 202,004 Autor: Guilhem Ademar Gènere: Canso Número: XLV

 

Començament començarai

I	1	Començament començarai
		Començant, pus començar sai,
		Un vèrs vertadier e verai,
		Tot ver verament, e veirai
	5	Si poirai descujar, cujan,
		La cuja que'm cugèi l'autr'an,
		Cujant, cujaires prims, primiers
		Primament ab prims cossiriers.
II		Cossirós de cossir d'esmai,
	10	Cozens cossirs cossirarai,
		De tal que, se'l talanz no'm tai,
		Mos talanz no'm taisarà mai.
		Ans vauc de bresc entrebescan,
		De bresc entrebescat d'enjan,
	15	Don non vuelh èsser parsoniers,
		Pars, parïaire ni pariers.
III		Paria de par par dechai,
		Quan pars fai faitz qu'a far non fai.
		Ieu no'ls fi anc ni no'ls farai :
	20	Fòls sens vès mi far no'm s'eschai,
		Ni vuelha Dieus tan de mon dan
		Qu'ieu damnatge faça tan gran
		Ves lieis de cui sui domengiers
		A drech, per drech, drechs, dreituriers.
IV	25	Adrech, a dòmna drecha vai
		— Drechament drecha —, on jòis jai.
		Dieus, si jauzïons jauzirai,
		Jauzïons ab mi Dòns jairai,
		Ab la gensor de mil aitan ?
	30	Milïa miliers mil i a'n,
		Tan quant a mais en mil milhiers
		Milia mil qu'en dos diniers.
V		Deniers — pus « deniers » mentaurai
		Tan sovent — per deniers, no'm plai ;
	35	Mas quar fenisc ma cobla lai
		En « deniers », dic tans « deniers » çai.