Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 461,068 Autor: Anonyme Gènere: Deux coblas avec tornada Número: XLVII

 

Clara Dòmna, vostre còrs lis e clar

		A Na Clara
I	1	Clara Dòmna, vostre còrs lis e clar
		Amb lo clar vis clarament s'esclarzís,
		Si que, tot clar, vos ètz de mon clar vis
		Clara clardat, per qu'ieu vuelh declarar,
	5	Vòstra beutat en la qual se declara
		Sens e valor e fin prètz, car es clara
		[La fina flor de vòstra clara cara ] :
		Per qu'ieu vos am, Dòmna, car ètz tan clara.
II		De vòstr' amor mon còrs es esclarzitz
	10	Et es plus clars que non es la clardatz
		Del clar solelh, per qu'ieu n'ai declarat
		Vos en luòc clar, ses nomnar en mos ditz,
		Perqué vos n'ètz claramens esclarzida
		E plus clara que la flor espandida.
	15	Mon clar vis ètz per nom, Dòmna grazida,
		Tant es clara vòstra valor complida.
III		A mon clar vis amb la faç neta e cara,
		A qu'ieu ai dat ma pensa tota clara,
		Car la gensor de tatas se declara,
	20	Mas coblas man que'm done s'amor clara.