Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Blasi, Ferruccio. Le poesie di Guilhem de la Tor. Genève - Firenze: Leo S. Olschki S. A. - Leo S. Olschki, 1934.

Codi: 236,007 Autor: Guilhem de la Tor Gènere: Canso Número: V

 

Qui sap, sofrent, esperar

I
1
Qui sap, sofrent, esperar
   
son bon seignor, molt greu es
   
c'un tems no·ill en veigna bes,
   
s'el li sap sirven mostrar
 
5
          son affar,
   
car servirs tot ben atrai:
   
per qu'eu mon leial cor ai
   
          et aurai
   
toz tems en amor servir,
 
10
e ia no m'en voill partir.
     
II
 
E s'ieu tot m'o volgues far,
   
eu no m'en poiria ges
   
partir, enaissi m'a pres
   
ses ioi qe no·m vol donar;
 
15
          mas clamar
   
no m'en dei ni non farai.
   
Que farai donc? Atendrai
   
          e veirai
   
s'amors me volra garir
 
20
del mal dont sovent sospir.
     
III
 
E pois d'aitan conortar
   
mon cor que greu er cortes
   
tenguz cel ni ben apres
   
cui amors non fai amar;
 
25
          per qe·m par
   
q'es fols cel qui s'en estrai:
   
q'eissamen sap donar iai
   
          cum esmai
   
amors ; mas mi fai languir,
 
30
car sap q'eu la sai blandir.
     
IV
 
Car, vos, on son mei pessar,
   
domna, ses cui no·m plaz res,
   
m'avez en tal prison mes
   
qe·m fai soven sospirar,
 
35
          per o qar
   
mi son douz li mal que·m fai
   
per vos amors e·ill esglai:
   
          car eu sai
   
q'aissi con hom vol iauzir
 
40
los bes, deu los mals sofrir.
     
V
 
Per q'eu no·m voill ia loignar
   
de vos, dompna, car conqes
   
avez tot cho q'om pogues
   
de ben dire ni pessar:
 
45
          gen parlar,
   
cortesia, pretz verai,
   
don lauzors fina·s retrai,
   
          solaz gai,
   
gen rire, gent acoillir,
 
50
beutat, la gençer qe·s mir.
     
VI
 
E, pos tuit li ben estar
   
son en vos, ben es ma fes
   
qe·i degues esser merces,
   
que·m fezes mon mal amar
 
55
          adouzar;
   
qe, ia tant quant eu viurai,
   
mon cor de vos non partrai:
   
          qe de lai,
   
dont hom se cuida enrequir,
 
60
part hom molt greu son desir.
     
VII
 
Per q'eu, dompna, enrequirai
   
per vos, o per vos morrai;
   
          car ben sai
   
que d'als no·m puosc enriquir:
 
65
gardaz cum m'en dei partir!

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI