Gambino, Francesca. Canzoni anonime di trovatori e "trobairitz". Alessandria: Edizioni dell'Orso, 2003.

Codi: 461,252 Autor: Anonyme Gènere: Canso (fragment) Número: II

 

[…] acuoill | los bels plasers qe m'a mandatz

I		[…] acuoill
		los bels plasers qe m'a mandatz
		cil on es iovens e beutatz,
		qe de prez es en l'aut capduoill:
	5	ma dompn'Agnes, qe tot dia
		fai grazir sos avinens bes
		als enseingnatz et als cortes
		mais qe dompna q'el mon sia.
II		Mas eu non son aitals cum suoill,
	10	qe Amors m'a mos senz camiatz;
		c'aras sai dels enamoratz
		lo mal de qe ploran lor oill,
		e sai qe·ls alegraria,
		e sai lor mals e sai lor bes;
	15	e d'aqels q'Amors no ten pres
		no sai lor faichz ni lor via.