Bertoni, Giulio. I trovatori d'Italia. Modena: Editore Cav. Umberto Orlandini, 1915.

Codi: 352,003 Autor: Peire de la Mula Gènere: Cobla Número: XII

 

Una leig vei d'escuoill

I	1	Una leig vei d'escuoill
		Avol e malestan,
		C'aquil arlot truan
		Vant cridan dui e dui:
	5	«Datz me, que ioglars sui!»
		Car es Bretz o Normans,
		E vei en oi mais tans
		Per qu'es als pros dampnatges.
		E mi par nescïatges
	10	C'om lor mesca ni taill
		En cort de pro vassall.
		E s'en sui encolpatz,
		Car los ai acusatz,
		Vos, cortes, que anatz
	15	Per cortz, m'en razonatz,
		Q'ieu non vuoill ia lor patz.