Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Bertoni, Giulio. I trovatori d'Italia. Modena: Editore Cav. Umberto Orlandini, 1915.

Codi: 236,008=250,001 Autor: Guilhem de la Tor, Imbert Gènere: Tenso (Partimen) Número: XVIII

 

Seigner n'Imbert, digatz vostr'escienssa

I
1
[Seigner n'Imbert, digatz vostr'escienssa
   
De las razos q'ie·us enqier e·us deman:
   
S'una dompna amatz de fin talan
   
E·i avetz mes lo cor e l'entendenssa
 
5
Qe·us don s'amor et ill fai se·n preiar
   
Tan tro conois qe non i pot pechar,
   
Ed un'autra q'es ben atretan pros
   
Ses tot preiar s'abellis tan de vos
   
Qe·us autreia e·us dona s'amistat:
 
10
A cal d'ambas en sabretz mais de grat?]
     
II
 
Guillem, ben sai, segon ma conoissenssa,
   
D'estas razos qe·m partetz en chantan
   
Triar lo mieils, segon lo mieu semblan,
   
E dirai vos cal vuoill plus ni m'agensa:
 
15
Q'ieu pretz trop mais de dompna e m'es plus car
   
Qand, ses mos precs, me vol d'aitan honrar
   
Qe·m don s'amor leialmen a rescos,
   
Que d'un'autra q'ieu prec un an o dos
   
E·i entenda longamen a celat.
 
20
De l’autra·us dic que m'a trop mieils honrat.
     
III
 
[Seigner n'Imbert, ben deu aver temensa
   
Bona dompna e taing que an doptan
   
C’a tal non don s'amor qe·is n'an vanan
   
Ni·n leu fol bruich en faich ni en parvenssa.
 
25
E fins amans no·is deu desconortar
   
Si tot sidonz no·il vol al comenssar
   
Donar s'amor, mas s'el es larcs e pros
   
Serva sidonz tro vegna·l guizerdos,
   
Car paors es de leu ioi conquistat
 
30
C’autre l'agues per aquel eis mercat.]
     
IV
 
Guillem, mais val iois qand en ben comenssa
   
E mou de grat q'aicel qe fai son dan,
   
Que tal n'i a vai son amic loignan
   
Tro tota gens conois lor benvolenssa.
 
35
E pros dompna, pois a bon cor d'amar,
   
Non deu ges trop son amic far preiar,
   
C’ad amdos es iois e meillurazos
   
On enans son ensems ab ioi ioios;
   
E vos avetz ben talan de foudat
 
40
C’anc non vim ioi sobreleu conquistat.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI