Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Bertoni, Giulio. I trovatori d'Italia. Modena: Editore Cav. Umberto Orlandini, 1915.

Codi: 437,002 Autor: Sordel Gènere: Canso Número: XXVII

 

Aitant ses plus viu hom quan viu iauzens

I
1
Aitant ses plus viu hom quan viu iauzens,
   
C’autre viure no·s deu vid'apellar;
   
Per q'ieu m'esfors de viur'e de reinhar
   
Ab ioi, per leys plus coratjozamens
 
5
Servir q'ieu am, quar hom que viu marritz
   
Non pot de cor far bos faitz ni grazitz;
   
Doncx er merces si·m fai la plus grazida
    Viure iauzenz, pus als no·m ten a vida.
     
II
 
Tant pes en lieys e tan l'am coralmens
 
10
Que nueyt e iorn tem mi falh al pensar,
   
Quar de beutat ni de pretz non a par,
   
Per que·l devon esser obediens
   
Las plus prezans; quar enaissi es guitz
   
Per dreg guidar, sos gens cors ben aibitz,
 
15
Las pros en pretz, cum las naus en mar guida
    La tramontana e·l fers e·lh caramida.
     
III
 
E puys guida·l ferm'estela luzens
   
Las naus que van perillan per la mar,
   
Ben degra mi cil qi·l sembla guidar,
 
20
Qu'en la mar suy per lieys profondamens
   
Tant esvaratz destreitz et esbaitz,
   
Qe·i serai mortz ans que·n hiesc'e peritz,
   
Si no·m secor, quar non truep a l'yssida
    Riba ni port, gua ni pont, ni guerida.
     
IV
25
Dura merces e trop loncx chauzimens
   
Me fan murir per sobre dezirar,
   
Quar ieu no puesc ses lo ioy vius durar
   
Qu'ie·l quier sirven aman ab tals turmens
   
Que·l iorn mil ves volri'esser fenitz,
 
30
Tan mi destreing lo dartz don sui feritz
   
Al cor d'amor, per qe·l mortz m'es asida,
    Car il non es tot eissamen ferida.
     
V
 
Las! don li ven de mi aucir talens,
   
Pos q'ill no·m pot en nuill forfach trobar,
 
35
E ia per mal que·m sapcha dir ni far,
   
Non puosc esser de lleis amar partens?
   
Doncx, e que·lh val si·m fai mal ni·l me ditz?
   
C’aissi·l sui ferms autreiatz e plevitz,
   
Qu'enans sera m'arma del cors partida,
 
40
Qu'ieu me·n parta, tan l'am d'amor complida.
     
VI
 
N'Agradiva, dompna de pretz razitz,
   
De cor, de cors e de faitz e de ditz
   
Suy vostres totz, quar etz la mielhs aybida
   
Neta e plazens, suaus et yssernida.
     
VII
45
Per Dieu, aiatz merce, dompna grazida,
    De me, qu'en vos es ma mortz e ma vida.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI