Gambino, Francesca. Canzoni anonime di trovatori e "trobairitz". Alessandria: Edizioni dell'Orso, 2003.

Codi: 461,068 Autor: Anonyme Gènere: Deux coblas avec tornada Número: XVII

 

Clara dompna, vostre cors lis e clar

I		Clara dompna, vostre cors lis e clar
		am lo clar vis claramens s'esclarzis,
		si que, tot clar, vos est de mon clar vis
		clara clardat, per qu'ieu vuelh declarar,
	5	vostra beutat en la qual se declara
		sens e valors e fin pres, car es clara
		…………………………………[-ara]
		per qu'ieu vos am, donna, car es tan clara.
II		De vostr'amor mon cors es esclarzitz
	10	et es plus clars que non es la clardat
		del clar soleilh, per qu'ieu n'ay declarat
		vos en luoc clar, ses nompnar e mos ditz,
		per que vo·n'es claramens esclarzida
		e plus clara que la flor espandida.
	15	Mon clar vis es per nom, domna grazida,
		tant es clara vostra valor complida.
III		A mon clar vis am la fas neta e cara,
		a qu'ieu ay dat ma pensa tota clara,
		car la gensor de totas se declara,
	20	mas coblas man que·n done s'amor clara.