Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Testimonis
* Aparat crític
* Notes
* Imatges

 

Appel, Carl. Poésies provençales inédites tirées des manuscrits d’Italie. "Revue des langues romanes", 34 (1890), pp. 5-35

Codi: 443,001 Autor: Torcafol Gènere: Sirventes Número: [V]

 

Comtor d'Apchier rebuzat

I 1 Comtor d'Apchier rebuzat
    pos del chan vos ai laissat,
    recrezut vos lays et mat,
    luenh de tota benanansa,
  5 vencut de guerr' e sobrat,
    comtor mal encompanhat,
    ab pauc de vi e de blat,
    plen d'enuey e de carn ransa.
     
II   Aisi prenc de vos comjat,
  10 pos ..................
    e de vostre vielh barat,
    e de vostra vielha pansa,
    e del nas tort mal talhat,
    e del vezer biaisat,
  15 que tal vos a dieus tornat
    c'anas co escut e lansa.
     
III   Beus a breuiat lo coril
    Monlaurs, que tenias vil,
    que de may tro en abril
  20 vos fai estar en balansa;
    e non aves senhoril
    tant aut son dur cor apil,
    que ia·us trobon en planil,
    per que·rn pren de vos pezansa.
     
IV 25 Et an vos claus lo cortil
    sil que·us son deus lo capil,
    e tornat de brau humil
    e tout chant et alegransa;
    e s'anc raubes loc mongil,
  30 ara·us faitz dire a mil
    que dieus e l'orde clergil
    vos an tout pretz et onransa.
     
V   Pos del chantar em al som,
    aisieus desampar lo nom.
  35 totz votr' argens torn' en plom
    e vostr' afars desenansa.
    vilhet pus blanc d'un colom,
    be·us menon de tom en tom,
    e no sabetz qui ni com.
  40 tart seres mais reis de Fransa!

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI