Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició

* Davantal
* Testimonis
* Notes
* Traduccions
* Imatges

 

Gisi, Martin. Der Troubadour Guillem Anelier von Toulouse. Vier provenzalische Gedichte . Solothurn: J. Gassmann, Sohn, 1877

Codi: 204,003 Autor: Guillem Anelier de Toloza Gènere: Sirventes Número: III

 

El nom de Dieu, qu’es paíre omnipoténs

I 1 El nom de Dieu, qu’es paíre omnipoténs,
    Que·s volc, per nos gandír, a mort liurár,
    Fas sirventés eprec li qu’el m’ampár,
    Si quon elh es guitz e capdellaméns,
  5 Que no·m nógon clerx ab fals motz forbítz
    Don mayns hómes an pel ségle trazítz,
    Qu’en van faidítz querén d’autrúy lur vída,
    Quar dreitz no·ls val ni·ls es razós auzída.
     
II   Tan son lassátz ab Francés fermamens
  10 Qu’om no·ls aúza lur fais digz contrastár;
    Quar en lur cortz fa sayns Marcx acabár
    Mais que Jhézus ab totz los aútres sens;
    Si es amátz e volgútz e grazítz
    Que de bon dreg fan tort quant elh o ditz.
  15 Et en aissí es la fes desmentída
    E dreitúra per cobeytát delída.
     
III   Qu’er trobarétz tot lo mais de las gens
    Que, si ménton, no·s ne vólon celár:
    Ans cújon ben lur mentír averár
  20 Ab afortír e sábon qu’es nïéns
    So que dízon, mas ges lur cor[s] no·ls ditz
    Que díguon ver, don van mort(z) e perít(z)
    Ius en yférn; et hom vertadiér(s) guida
    Diéus e quel da en amdós ségles vída.
     
IV 25 Guay er vezém us vilás coutz manéns
    D’ávol devér temer et tenér car,
    Non son bo(s) fait(z) quez elhs saubésson far,
    Ans es eu
     
V   E de trómpas refríms, quar lo reys ditz,
  30 Jóves Englés, quez ab colps et ab critz
    Vólra cobrár tot quant tenc ses falhída
    Lo pros Richártz oy er tésta partída.
     
VI   Coms d’Astarac, scims e flors e razítz
    Etz de valór e de parátge guítz,
  35 E tenétz cort de totz bos ayps complída
    E compánha valént et yssernída.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI