De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 392,007 Autor: Raimbaut de Vaqueiras Gènere: Tenso Número: VI

 

Domna, tant vos ai prejada

I	1	Domna, tant vos ai prejada,
		Sius plaz, q’amar me voillaz,
		Q’eu sui vostr’ endomenjaz;
		Car es pros et enseignada
	5	E toz bos prez autrejatz;
		Per qem plai vostr’ amistaz;
		Car es en toz faiz cortesa,
		S’es mos cors en vos fermaz
		Plus q’en nulla Genoesa;
	10	Per q’er merces si m’amaz;
		E pois serai meilz pagaz
		Qe s’era miaill ciutaz,
		Ab l’aver q’es ajostaz,
		Dels Genoes».
II	15	«Jujar, voi no se’ corteso
		Qe me chaidejai de zo!
		Qe niente no farò!
		Ance, fossi voi apeso!
		Vostr’ amia no serò!
	20	Certo, ja ve scanerò,
		Proenzal malaurao!
		Tal enojo ve dirò:
		“Sozo, mozo, escalvao!”
		Ni za voi no amerò;
	25	Q’ e’ chu bello marì ò
		Qe voi no se’, ben lo so!
		Andai via, frar’: en tempo
		Millorado!»
III		«Domna gent’ et essernida,
	30	Gaia e pros e conoissenz,
		Vallam vostr’ ensegnamenz;
		Car jois e jovenz vos gida,
		Cortesia e prez e senz
		E toz bos captenemenz;
	35	Per qeus sui fidels amaire,
		Senes toz retenemenz,
		Francs, humils e mercejaire:
		Tant fort me destreing em venz
		Vostr’ amors, qe m’es plasenz;
	40	Per qe sera chausimenz,
		S’eu sui vostre benvolenz
		E vostr’ amics».
IV		«Jujar, voi semellai mato,
		Qe cotal razon tegnei!
	45	Mal vignai e mal andei!
		Non avei sen per un gato;
		Per qe trop me deschasei,
		Qé mala cosa parei!
		Né no faria tal cosa,
	50	Si fossi fillo de rei!
		Credì voi qu’ e’ sia mosa?
		Mia fé, no m’averei!
		Si per m’amor ve chevei,
		Oguano morrei de frei!
	55	Tropo son de mala lei
		Li Proenzal».
V		«Domna, no siaz tant fera
		Qe nos cove ni s’eschai!
		Anz taing ben, si a vos plai,
	60	Qe de mo sen vos enqera,
		E qeus am ab cor verai,
		E vos qem gitez d’esmai;
		Q’eu vos sui hom e servire,
		Car vei e conosc e sai,
	65	Qant vostra beutat remire,
		Fresca cum rosa en mai,
		Q’el mont plus bella non sai;
		Per qeus am et amarai,
		E, si bona fes mi trai,
	70	Sera pechaz».
VI		«Jujar, to proenzalesco,
		S’eu aja gauzo de mi,
		Non prezo un genoi;
		No t’entend plui d’un Toesco
	75	O Sardo o Barbarì,
		Ni non ò cura de ti!
		Voit’ acaveilar co mego?
		Si lo sa lo meu marì,
		Mal plait averai con sego!
	80	Bel messer, ver e’ ve di:
		No vollo questo latì;
		Fraello, zo ve afì;
		Proenzal, va, mal vestì,
		Largaime star!».
	85	«Domna, en estraing cossire
		M’avez mes et en esmai;
		Mas enqeraus prejarai
		Qe voillaz q’eu vos essai
		Si cum Provenzals o fai,
	90	Qant es pojaz».
VIII		«Jujar, no serò con tego,
		Poss’ asì te cal de mi!
		Meill varà, per sant Martì,
		S’andai a ser Opetì,
	95	Qe dar v’ à fors’ un roncì,
		Car sei jujar».