Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Notes
* Traduccions

 

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 442,001 Autor: Tomier, Palazi Gènere: Sirventes Número: XCII

 

De chantar farai

I 1 De chantar farai
    Una esdemessa,
    Que temps ven e vai
    E reman promessa; 
  5 E de grant esmai
    Fai Deus tost defessa.
    Segur estem, seignors,
    E ferm de ric socors!
     
II   Ric socors aurem,
  10 E Deu n’ai fianza,
    Dont gazagnarem
    Sobre cels de Franza;
    D’ost que Deu no tem
    Pren Deus tost venjanza.
  15 Segur estem, seignors,
    E ferm de ric socors!
     
III   Tals cuja venir
    Ab falsa croisada
    Qel n’er a fozir
  20 Sens fog d’albergada,
    Car ab ben ferir
    Venz hom leu maisnada.
    Segur estem, seignors,
    E ferm de ric socors!
     
IV 25 Els Arragones
    Ai perdut ma poigna
    E mon sirventes,
    Et en Cathaloigna;
    El Reis, q’es joves,
  30 Nol troba qil poigna.
    Segur estem, seignors,
    E ferm de ric socors!
     
V   E, se Frederics,
    Q’es reis d’Alamaigna,
  35 Soffre que Loics
    Son Emperi fraingna,
    Ben sera enics
    Lo Reis part Bretaigna!
    Segur estem, seignors,
  40 E ferm de ric socors!
     
VI   Al Sepolcre an tout
    Socors e valenza
    Cil q’an la croz vout,
    Et es descredenza;
  45 Li fals nesci sout
    Veiran mal Argenza!
    Segur estem, seignors,
    E ferm de ric socors!
     
VII   L’evesque culvert
  50 Non o presson gaire
    Sel sainz Vas se pert
    O fo nostre Paire,
    Quant moc del desert;
    Mas amon Belcaire.
  55 Segur estem, seignors,
    E ferm de ric socors!
     
VIII   Nostre cardenals
    Sojorna e barata
    E prent bel ostals,
  60 De qe Deus l’abata!
    Mas pauc sent los mals
    Quant a Damiata.
    Segur estem, seignors,
    E ferm de ric socors!
     
IX 65 D’Avignon mi par
    Que ja nos recreza,
    Tant vezem fermar
    Sa fina proeza
    E tot lor afar;
  70 Mal aja cui peza!
    Segur estem, seignors,
    E ferm de ric socors.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI