Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Notes
* Traduccions

 

Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Codi: 167,041 Autor: Gaucelm Faidit Gènere: Canso Número: 1

 

Mout voluntiers chantera per amor

I 1
Mout voluntiers chantera per amor
    si ab midons pogues trobar merce,
   
qu’elha-m volgues l’esper e-l joy tornar
   
don suy partitz ; mas er, s’il no-m secor.
  5
en breu morrai, que no-m valra, ieu cre, 
   
merce, qar ditz que no-lh soven de me
   
ni no l’en cal, ni ges non o deu far,
   
quar mal ai fait en tot lo sieu coman,
    per que mon cor de dol planh et escria.
     
II 10
Ja per verjan ni per fuelh ni per flor
   
Mon fin cor mais non viraray de re
   
de vos, cui tenc per don’ e vuelh amar,
   
qu’autra el mon non envey ni honor,
   
e no-s vaira mos cors, e sai per que,
  15
quar vos m’avetz mes ins el cor lo fre 
   
ab que-m tenetz la boca de parlar,
   
que nulh autra non vuelh ni non deman
    mas vos, cui am mais que dir no sabria.
     
III  
El mon non a rei ni emperador
  20
qu’en vos amar non agues per jasse 
   
honor, per q’ieu vos ai fin cor e clar,
   
quar vos etz flors e miralhs de valor
   
d’autras domnas, e tanh ben e-s cove
   
que li melhor vos porton bona fe
  25
per lo gen rir e per l’adreit parlar, 
   
e pel bon laus e per lo belh semblan,
    e pel bon fait, dona, q’en vos s’enbria.
     
IV  
Ab leyal cor vos porte fin amor
   
e farai o, dona, si-us platz, ancse —
  30 qar li aman qui Amor tenen car 
   
no devon ges lo cor partir d’amor
   
ni de dona, pus l’a pres e-l rete
   
per amador, e-l fai honor e be ;
   
ans la deu be per totz temps mais honrar
  35
quar aissi-s tanh a fin leyal aman ; 
    s’aissi no fai, sa dolors s’en abria.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI