Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Codi: 167,048 Autor: Gaucelm Faidit Gènere: Canso Número: 10

 

Per l’esgar

I	1	Per l’esgar
		del temps clar,
		can la brun’ aur’ e-l freitç
		a destreitç
	5	los adreitç
		auseletç de cantar,
		s’esbaudeia
		mos coragies,
		car salvagies,
	10	plens d’enveia,
		ai estat,
		tant c’om m’en ten gia per fat.
II		Esmendat
		e donat
	15	m’a Amors, ben e gien,
		per ce-l ren
		merces cen,
		qu’en aiso ai proat
		ch’i feuneia
	20	es foudatges,
		bons usages
		qui merceia,
		c’ab merce
		conquier drutç, si no-s recre
III	25	C’Amors ve
		e sap be
		qui ll’es verais o fals ;
		er corals
		fins, lials
	30	amics, a cui conve
		— cals qu’en seia
		ses parages —
		dreitç viages,
		on q’esteia
	35	lo condui
		de fin’amor c’es ab lui.
IV		Tant d’autrui
		gioi non fui
		enveios, ce-m quges
	40	ni-m penses
		ce gia-m des
		Amors, so qu’er m’adui ;
		e m’en pleia
		segnoragies
	45	e-l mesagies
		ce m’autreia,
		qe concis
		ai tal gioi, cor, don tu ris.
V		Mos Estuis,
	50	volgra vis
		lo gasardon qe-m fai
		Amors, sai
		ce-m ten gai,
		e mos Linhaures fis :
	55	qu’er, no-m creia
		nuls damagies ;
		e-l rics gages
		creis, ce-m deia,
		e-l gens dos,
	60	esser saubutç per els dos.
VI		Ma cansos
		an vas vos,
		amia, lai on etç,
		pel ric pretç
	65	que avetç,
		esters grat dels gelos,
		a cui greia
		vasalages ;
		e-l legiagies
	70	lur sordeia,
		ce, no-m par,
		ai ben pro en lur gardar.
VII		On que seia
		mos estatges,
	75	lo coragies
		s’asopleia,
		ab cor clar,
		vas N’Agout, que non a par
		d’acabar
	80	so c’a Preis s’escai a far.