Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Aparat crític
* Traduccions
* Imatges

 

Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Codi: 132,008 Autor: Elias de Barjols Gènere: Canso Número: 75

 

Pos comjat ay de far chanso 

I 1
Pos comjat ay de far chanso 
   
de midons cuy am e dezir, 
   
a leys o deuri’ om grazir
   
s’ieu ja fatz bos motz ni gays so —
  5
oc, e s’ieu ren mais ben fazia, 
   
grazit fos a ma douss’ amia, 
   
qu ar de lieys tenc un pauc de joi q’ieu ay, 
    e, s’a lieys platz, enqueras n’auray may.
     
II  
Bona domna, pos vostr’ om so
  10
— qu’autr a no mi pot garentir — 
   
layssaretz mi del tot morir 
   
d’aisso don mi podetz far do ? 
   
s’o faytz, vos faretz vilania, 
   
e parra un ram de feunia, 
  15
qui son franc hom e leyal murir fay 
    de dezirier e-l pot gitar d’esmay !
     
III  
Amiga, ja Dieus no-m perdo
   
s’ieu no-us am mais q’ieu non sai dir ;
   
qu’ieu en pert solatz e durmir
  20
que rire ni als no-m sap bo ; 
   
mas, pois que tornatz suy en via
   
de chantar, don ieu me partia,
   
s’una vetz chant don mil vetz plorat ai,
    ben se cove, pos a ma domna plai.
     
IV 25
Anc mais hom tan forsatz no fo
   
d’amor, e no m’en puesc partir ;
   
e, si-m faitz finamen languir
   
mais am en vostra sospeisso
   
estar, que si d’autra-m jauzia —
  30
jauzir non es, car non poiria
   
autra domna tener jauzen ni jay,
    ni tot lo mon, domna, de vos en lay.
     
V  
No sai far mon al ni mon pro
   
vas nulha part, tan no m’albir,
  35
e ja no-y vuelh esdevenir 
   
s’ieu no-us bays la boch’ e-l mento, 
   
de vos, cuy am senes bauzia ; 
   
e no crey mais tals amors sia 
   
que malgrat vos ie-us am e-us amaray 
  40 e malgr at mieu, pos Amors m’o atray.
     
VI  
En vostra bona merce sia, 
   
q’ieu no-m recre, ni ja no-m recreyrai 
    de vos amar, ni nulh poder no n’ai.
     
VII  
A vos cuy am ma chansos sia 
  45
e totz mos sens e ma paria — 
   
q’autra domna no crey ni tem ni ay… 
    ni vos, domna, no sai si ja-us auray.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI