Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Testimonis
* Aparat crític
* Notes
* Imatges

 

Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Codi: 434a,019 Autor: Serveri de Girona Gènere: Estampida Número: 9

 

Dona de plasença, sofrença, guirença

I 1 Dona de plasença,     Sofrença,     Guirença
              Mi faitz, si·us play,
    Ans que·l grans temença    Mi vença,     Qui·m tença
              Ab dur mal play.
  5    Pero si·us agença     Ma mortz, morray,
       Mas vostra valença No-m valra may.
    Qui mays a valença,    Meyls deu gardar, ço say,
    Son cors de falença.    C'om falha·l pretz s'en vay.
     
II   Eu no playneria     Ma via,    Amia ;
  10          Mas car la gens,
    Can hom vos veyria,    Diria    Mal, tria
             Vostre cors gens
       Que, dona, c'aucia     Sos bevolens,
       Totz hom vol que sia     Son mal dizens
  15 E no par que sia    Humils, pros ne plasens,
    Qui forçan galia    Sos fis, humils, temens.
     
III   Gentils, gen apresa, Enteza,     Corteza,
             Ab bel cors car,
    En vos es belesa,    Franquesa,     Noblesa.
  20          Mo·l vendetz car
       E m'estatz defesa    De jay donar,
      D'aquesta larguesa     No·us pusc lauzar.
    Anc hom ses largueza     No pot pretz gasaynar
    E totz temps cobeza     Fa·ls pus sobrers sobrar.
     
IV 25 Qui per amistança     Distança     E lança
             L'amic a mort,
       L'enemic enança     D'onrança,     Errança
             Fa que·il da mort
             E myels par engança,     Que desconfort
  30          Per be ques amança     Per mal acort.
    Trop val mens amança     De cel c'als seus fay tort,
    Que desacordança     D'enamic mal e fort.
     
V       Can etz tan nomnada,    Amada,     Lauzada
           Ez a lonc cors
  35    L'onors, qui·us es dada,     Honrada,     Presada,
            No·m faitz socors ;
            Enans vos agrada     Ma greus dolors !
            Mal etz acordada,    Vos ez Amors,
    Mal par acordada     Domna, c'oblit valors
  40 E lays sa maynada    Per estrayns preyadors.
     
VI     Vos seretz mermada     De leyals servidors,
    S'eu muyr, e bassada     D'amics corals, Amors,
     
  VII   Cardon'e l'onrada     Sobrepretz, de jay flors,
    E nostr'encontrada     E·l reys de lauzadors !

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI