Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Codi: 461,200b Autor: Anonyme Gènere: Cobla Número: 40

 

Quan hom ve de seingnor

I	1	Quan hom ve de seingnor
		Qe recep gran honor
		Per fezel servidor,
		Qe·l vol de grat servir,
	5	Segon lo mieu albir,
		Lo segniers fai folhia,
		S'el no·l vol enantir
		Nino·i da manentia,
		Majormen que·l ves ric.
	10	Per q'eu en cort vos dic:
		Si·l segners pren destric,
		No n'ai mon cor enic.