Guarnerio, Pier Enea. Pietro Guglielmo di Luserna, trovatore italiano del sec. XIII. Genova: Tipografia di Angelo Ciminago, 1896

Codi: 344,005 Autor: Peire Guilhem de Luserna Gènere: Deux coblas avec deux tornadas (et réponse) Número: III

 

Qi na Cuniça guerreia

I	1	Qi na Cuniça guerreia
		per orgoill ni per enveia,
		foldat gran
		fai, car sa beltatz resplan
	5	e sos rics prez seignoreia.
		E taing se qe far no deia
		so us man,
		per qe m'aura derenan
		servidor ; e si desreia
	10	negus vas lei ni felneia,
		de mon bran
		saubra sis tailla ni pleia.
II		E qell mou guerra ni tenza,
		nol cossel c'an en Proenza
	15	dompneiar,
		qe ben [i] poira semblar
		folz e portar penedenza
		per la soa malvolenza,
		don m'anpar;
	20	pero de Lusernas gar,
		c'orgoill ni desconoissenza
		no trob' els rics ni guirenza;
		qu'il affar
		de lai son tuit de plasenza.
III	25	Mesura e conoissenza
		deu retener per semenza,
		qi regnar
		vol ab bella captenenza.