Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Chiarini, Giorgio. Jaufre Rudel. L'amore di lontano. Roma: Carocci, 2003.

Codi: 262,004 Autor: Jaufre Rudel de Blaja Gènere: Vers Número: II

 

Pro ai del chan essenhadors

I
1
Pro ai del chan essenhadors
 
   
entorn mi et ensenhairitz:
[40]
   
pratz e vergiers, albres e flors,
 
   
voutas d’auzelhs e lais e critz
 
 
5
per lo dous termini suau;
 
   
qu’en un petit de joi m’estau,
 
   
don nulhs deportz no·m pot jauzir
[45]
    tan cum solatz d’amor valen.  
       
II
 
Las pimpas sian als pastors
 
 
10
et als enfans burdens petitz,
 
   
e mias sion tals amors
[50]
   
don ieu sia jauzens jauzitz.
 
   
Qu’ieu la sai bona tot’aitau
 
   
ves son amic en greu logau:
 
 
15
per so·m sen trop soen marrir
 
    quar no n’ai so qu’al cor n’aten.  
       
III
 
Luenh es lo castelhs e la tors
[55]
   
on elha jai e sos maritz,
 
   
et si per bos cosselhadors
 
 
20
cosselhan non sui enantitz
 
   
— q’autre cosselhs petit m’en vau,
 
   
aitant n’ai fin talan courau —
[60]
   
alres no·i a mais del murir,
 
    s’alcun joi non ai en breumen.  
       
IV
25
Totz los vezis apel senhors
 
   
del renh on sos jois fo noiritz,
 
   
e crei que·m sia grans honors
[65]
   
quar ieu dels plus envilanitz
 
   
cug que sion cortes lejau.
 
 
30
Ves l’amor qu’ins el cor m’enclau
 
   
ai bon talan e bon albir,
 
    e sai qu’ilh n’a bon escien.
[70]
       
V
 
Lai es mos cors si totz c’alhors
 
   
non a ni sima ni raitz,
 
 
35
et en dormen sotz cobertors
 
   
es lai ab lieis mos esperitz;
 
   
e s’amors mi revert a mau
[75]
   
car ieu l’am tant e liei non cau.
 
   
Tost veirai ieu si per sufrir
 
  40 n’atendrai mon bon jauzimen.  
       
VI
 
Ma voluntat s’en vai lo cors,
 
   
la nueit e·l dia esclarzitz,
[80]
   
laintz per talan de socors;
 
   
mas tart mi ve e tan mi ditz:
 
 
45
«Amicx», fa selha, «gilos brau
 
   
an comensat tal batestau
 
   
que sera greus a departir,
[85]
    tro qu’abdui en siam jauzen».  
       
VII
 
Per so m’en creis plus ma dolors
 
 
50
car non ai lieis en luecs aizitz:
 
   
que tan no fauc sospirs e plors
 
   
qu’us sols baizars per escaritz
[90]
   
lo cor no·m tengues san e sau.
 
   
Bon’ es l’amors e molt per vau,
 
 
55
e d’aquest mal mi pot guerir
 
    ses gart de metge sapien.
 

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI