Cluzel, Irénée. Princes et troubadours de la maison royale de Barcelone-Aragon. "Boletín de la Real Academia de Buenas Letras de Barcelona", 27 (1957-1958), pp. 321-373.

Codi: 076,017=184,003 Autor: Bertran d'Alamanon, Lo Coms de Proensa Gènere: Échange de coblas Número: II, 3

 

Seigner Coms, e·us prec que·m diiatz

I		Bertrams d'Alamano al coms de Proensa :
	1	Seigner Coms, e·us prec que·m diiatz
		del palenc qe·us en conortatz,
		si·l penres per forsa o no:
		q'e·us i conosc honor e pro
	5	ab sol qe primier vos metatz;
		car, pel trauc on seretz passatz,
		intraran leu li conpaigno.
II		Lo coms de Proensa li respondet :
		Bertram, be cre qe conoscatz
		q'eu soi ab armas tan senatz
		qe be saubrai triar mon pro,
		ab qe no·m metatz a razo
		cum envazirai toz armatz
		quan veirai Cremones intratz,
		si lo portier no dis de no !