Betti, Maria Pia. Le Tenzoni del Trovatore Guiraut Riquier. "Studi Mediolatini e Volgare", 44 (1998), pp. 7-193.

Codi: 248,028=147,001 Autor: Guiraut Riquier, Falco Gènere: Tenso (Partimen) Número: II

 

Falco, dona avinen

I		Falco, don[a] avinen	[Guiraut]
		amatz may que res c'anc fos,
		[e] sabetz sertanamen
		qu'il ama atertan vos,
	5	et als non podetz aver;
		o·n faytz tot vostre voler
		desamatz,
		saben ca·l desplatz.
		Cauzetz ses falhensa
	10	cal plus vos agensa.
II		Per bo tenc lo partimen,	[Falco]
		Guiraut, mays l'una razos
		val mays a mon essïen;
		e ja no·m sia autres pros,
	15	am mays leys que, si poder
		n'a, fara mi mon plazer,
		que mon bratz.
		Per l'autr'enjanatz,
		car a ma parvensa
	20	fay o per temensa.
III		Pres avetz nessïamen	[Guiraut]
		co volpilh de dezir blos,
		car am desesperamen
		voletz esser amoros,
	25	e fa·us o far non-poder.
		Trebalhatz may vuelh tener
		ley que·m platz
		a ma voluntatz,
		que, ses joy, sabensa
	30	de sa benvolensa.
IV		Mays vuelh, per son cors plazen	[Falco]
		trebalhat, estar joyos,
		que l'autra ab marrimen,
		per qu'ieu la<·u>s lays a estros.
	35	Com la podetz mantener?
		Dol n'a can l'anatz vezer,
		e solatz
		de vos non li platz;
		ans d'ela·us comensa
	40	yra e malvolensa.
V		Quy pot complir son talen	[Guiraut]
		de so de qu'es enveyos,
		trebalhatz, non es parven
		que res sia sofrachos;
	45	et amar ses bon esper,
		e·l trebalh e·l malsaber,
		vos l'ayatz,
		qu'ie·m son acordatz
		c'autra malsabensa
	50	mon plazer non tensa.
VI		S'a leys c'amatz finamen	[Falco]
		trebalhatz ez enveyos,
		pueys no·us tenra per valen,
		car vas Amors non es pros;
	55	vas ela faytz non-dever,
		c'ap joy se vol sostener.
		Ira·us platz,
		sol profieg n'ayatz;
		yeu vuelh entendensa
	60	d'amor ab plazensa.
VII		Trebalhar mays fay valer	[Guiraut]
		<m>a part que·l vostra per ver,
		don es matz
		s'om dreg ve·n jutjatz.
	65	En Miquel prec vensa
		la maior falhensa.