Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Rimari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Codi: 080,041 Autor: Bertran de Born Gènere: Planh Número: XIV

 

Si tuit li doil e·il plor e·il marrimen

I
1
Si tuit li doil e·il plor e·il marrimen
   
E las dolors e·il dan e·il chativier
   
C’om hanc agues en est segle dolen
   
Fossen ensems, sembleran tuit leugier
 
5
Contra la mort del joven rei engles
   
Don reman pres e jovenz doloiros
   
Escurs e tieins e negr’e tenebros,
    Sems de tot joi, plens de tristor e d’ira.
     
II
 
Dolen e trist e plen de marrimen
 
10
Son remazut li cortes soudadier
   
E·il trobador e·l joglar avinen :
   
Trop an e Mort agut mortal guerrier
   
Qe tout lur ha lo joven rei engles
   
Vas cui eran li plus larc cobeitos.
 
15
Ja no er mais ni non crezatz q’anc fos
    Vas aqest dol el segle plurs ni ira.
     
III
 
Estenta Mortz plena de marrimen,
   
Vanar te potz qe·l meillor cavalier
   
As tout del mond c’anc fos de nulla gen,
 
20
Qar non es res q’a pretz aia mestier
   
Qe tot non fos el joven rei engles ;
   
E fora miels, s’a Deu plagues razos,
   
Qes el visqes qe maint autr’enoios
    Q’anc non feiron als pros mas dol e ira.
     
IV
25
D’aqest segle flac, plen de marrimen,
   
S’amors s’en vai, son joi teing mensongier,
   
Qe no·i a ren qe non torn en cozen ;
   
Tot jorn veiretz qe val meinz oi qe ier.
   
Chascuns se mir el joven rei engles
 
30
Q’era del mond lo plus valenz dels pros :
   
Ar n’es anatz sos gentz cors amoros
    Don es dolors e desconortz et ira.
     
V
 
Celui cui plac per nostre marrimen
   
Venir el mond e nos trais d’encombrier
 
35
E receup mort per nostre salvamen,
   
Qom a segnor humil e vertadier
   
Clami merce q’al jove rei engles
   
Perdon si·l platz si con es vers perdos,
   
Qe·l fass’estar ab honratz compagnos
 
40
Lai on anc dol non ac ni mal ni ira.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI