Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Rimari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Codi: 080,044 Autor: Bertran de Born Gènere: Sirventes Número: XVI

 

Un sirventes que motz no·ill faill

I
1
Un sirventes que motz no·ill faill
   
Ai fag, c’anc no·m costet un aill :
   
Et ai apres un’aital art
   
Que s’ai fraire, german ni qart,
 
5
     Part li l’ou e la meailla,
   
E s’el puois vol la mia part,
         Ieu l’en giet de comunailla.
     
II
 
Tot lo sen ai dinz lo seraill,
   
Si tot m’an donat gran trebaill
 
10
Entre N’Azemar e·N Richart.
   
Lonc temps m’an tengut en regart,
   
     Mas aras an tal barailla
   
Que lor enfan, si·l reis no·ls part,
         N’auran pro en la corailla.
     
III
15
Guillems de Gordon, fol bataill
   
Aves mes a vostre sonaill,
   
Et ieu am vos, si Dieus mi gart !
   
Mas per savi e per moissart
   
     Vos tenon de la fermailla
 
20
Li vescomte et es lor tart
         Car non est en lor frairailla.
     
IV
 
Tot jorn contendi e·m baraill,
   
M’escrim e·m defen e·m tartaill,
   
E·m fon om ma terra e la m’art
 
25
E·m fa de mos arbres issart
   
     E mescla·l gran en la pailla,
   
E non ai ardit ni coart
         Enemic qu’er no m’asailla.
     
V
 
Tot jorn resoli e retaill
 
30
Los barons, e·ls refont e·ls caill,
   
Qui cujava metr’a issart.
   
E soi ben fols qan m’en regart,
   
     Qu’ill son de peior obrailla
   
Que non es lo fers san Launart,
 
35
     Per qu’es fols qui s’en trebailla.
     
VI
 
Talairans non trota ni saill
   
Ni no·s mou de son Arenaill
   
Ni non gieta lansa ni dart,
   
Anz viu a guisa de lombart.
 
40
     Tant es frasitz de nuailla
   
Que, quant l’autra gens se conpart,
         El s’estendill’e badailla.
     
VII
 
A Peiraguors, pres del muraill,
   
Tan qe·i puesc’om gitar ab maill,
 
45
Venrai armatz sobre Baiart,
   
E se·i trop Peitavin pifart,
   
     Veiran de mon bran corn tailla,
   
Que sus pel cap li farai bart
         Del servel mesclat ab mailla.
     
E
50
Baron, Dieus vos sal e vos gart
   
     E vos aiut e vos vailla
   
E·us don q’en digatz a·N Richart
         So que·l paus dis a la grailla !

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI