Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Codi: 080,017 Autor: Bertran de Born Gènere: Sirventes (Sirventes joglaresc) Número: XLII

 

Fuilheta, vos mi preiatz qe ieu chan

I	1	Fuilheta, vos mi preiatz qe ieu chan
		Pero non hai ni seinhor ni vezi
		D’aqest afar aia cor ni talan
		Ni vueilha ges q’en chantan lo casti.
	5	Mas vos o tenes a joia
		Amta ab pro mais qe honor ab dan ;
		E aves mal chauzit al mieu semblan.
II		La raucha vos don cridaz en chantan
		E·l niegre cors don semblas sarrazi
	10	E·l paupre mot qe dizes en contan,
		E qar flairaz sap e gema e pi
		Con avols gens de Savoia,
		E qar es lag garnitz e mal estan,
		Ab qe·us n’anes, farai vostre coman.