Gouiran, Gérard. L'amour et la guerre. L'œuvre de Bertran de Born. Aix-en-Provence: Université de Provence, 1985.

Édition revue et corrigée pour Corpus des Troubadours, 2012.

Codi: 080,024a Autor: Bertran de Born Gènere: Deux coblas Número: XLVI

 

Mal o fai domna cant d'amor s'atarja

I	1	Mal o fai domna cant d’amor s’atarja
		Mentr’es joves, e·l color fresc’e blanc’
		E las tetinas duras ses tot embarc,
		E·l ventr’es planz, senz ruas e senz comba
	5	E·l conz es gros e·il pelet esta·n som,
		E las ancas planas per meils jazer,
		E·l pes petitz e·l oils clars e rizens,
		E·l cors fresqetz e·l pel saur en la testa.
II		Pois s’en repen, cant ilh a la pel larja
	10	Qe li ruon li costat e li flanc,
		Et a los oils plus vermeils d’un envarc
		E·l cap canut e par de col retomba,
		Et a perdut tot son prez e son nom,
		Adoncas vol zo qe no·m pot aver.
	15	Mas mentr’en leis es beutatz e jovenz,
		Qi la enqier no s’o ten ges a festa.