Serra-Baldó, Alfons. Els trobadors. Barcelona: Barcino, 1934 (2a ed. 1998).

Codi: 046,004 Autor: Comtessa de Dia Gènere: Canso Número: XXIII

 

Estat ai en greu cossirier

		[CANÇÓ]
I	1	Estat ai en greu cossirier
		per un cavallier qu’ai agut,
		e vuoil sia totz temps saubut
		cum ieu l’ai amat a sobrier:
	5	ara vei qu’ieu sui trahida
		car ieu non li donei m’amor,
		don ai estat en gran error
		en lieig e quan sui vestida.
II		Ben volria mon cavallier
	10	tener un ser en mos bratz nut,
		qu’el s’en tengra per ereubut
		sol qu’a lui fezes cosseillier;
		car plus m’en sui abellida
		no fetz Floris de Blancheflor:
	15	ieu l’autrei mon cor e m’amor,
		mon sen, mos huoills e ma vida.
III		Bels amics avinens e bos,
		cora·us tenrai en mos poder?
		e que jagues ab vos un ser
	20	e qu’ie·us des un bais amoros!
		Sapchatz, gran talan n’auria
		qu’ieu·s tengues en luoc del marit,
		ab so que m’aguessetz ple vit
		de far tot so qu’ieu volria.
		(Text de Schultz-Gora)