Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 138,001 Autor: Engles Gènere: Tenso Número: III

 

A la cort fuy l'autrier del rey Navar

	1	A la cort fuy l’autrier del rey Navar (f. 14 vº)
		Qu’es cort corta de tota cortesia.
		Corta de pres e corta de donar
		E mais corta qu’ieu dire non sabria ;
	5	Et es tan cort c’om ren no y pot corchar.
		De sa cort corta prec Dieus que m’enpar,
		Qu’en sa cort a de totz bens carestia,
		Per qu’ieu l’apel cort corta totavia.
		— N’Engles, a tort vos aug del rey blasmar (f. 15)
	10	De Navarra, de que faig gran follia ;
		E blasmas lo car el non vos vol dar
		Plus honrat don c’a vos non tanheria,
		Mas, s’es blasme, non fai so que deuria ?
		Qu’el es fransces e vos engles, som par.
	15	El rey franses non deu als Engles dar,
		Car Fransa tol als Engles cascun dia ;
		Doncs com dara sel que toure deuria ?
		— Rey d’Araguon, corona de pres quar,
		Ves vos m’en vauc per mon dan restaurar.
	20	Car en vos es solas e cortezia
		Ves vos m’en vauc, senher, ma dreita via.
		— Sieus acordas que la vulhas tornar,
		N’Engles, al rey queus donet l’autre dya,
		Tot vostre don cre queus faray doblar,
	25	E nom menes en vostra compainhia
		C’al rey a far e non lay vos segria.
		E s’ops vos es, pensas leu de l’annar,
		E prenetz so que pel rey dat vos sia ;
		Non m’en des part, qu’ieu non lan vos querria.