Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 077,001=195,001 Autor: Bertran Albaric, Guibert Gènere: Tenso Número: XXIV, 1

 

Amic Guibert, ben a .vij. ans pasatz

		Tenson de Bertran ALBARIC e da GUIBERT. (f. 20 v°)
I	1	Amic Guibert, ben a .vij. ans pasatz
		Qu’ieu ai amat et ame coralmen
		Bella dona jove et avinen,
		E pregue la con fins enamoratz
	5	De respondre, mes tojorn plus [s’]estranha ;
		Per qu’ieu vos prec que vos m’en conselhes
		Ci l’amarai ueimais, pos tantas ves
		L’ai requista per aver sa conpanha.
II		— Amic Bertran, mans bos ditz e mas fatz
	10	M’aves apres d’amor veraiamen,
		Don, pos amatz tal qu’es proz e valen,
		Prec vo[s], sieus plai, que non vos en gicatz,
		Qu’el mon non a dona ques om non franha
		Am bell parlar et amb eser cortes,
	15	E mais pot far .j. jorn ques ans guanres ;
		Per qu’ieu vos prec mais sufras lamguanha.
III		— Ausit ai dir, da Guibert, so sapchatz,
		De lonc servir tanh gran melhuramen
		E tems perdut non ci cobra leumens ;
	20	Per qu’ieu huemais en sui desesperatz
		E cigrai tal que vol c’an lui remanha
		Ques aura guautz car li serai sosmes,
		E farai li honor, que deutes es,
		Plus que s’era reïna d’Alamanha.