Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Codi: 437,008=306,003 Autor: Sordel, Montan Gènere: Échange de coblas Número: XXXI

 

Meraveill me com negus honratz bars

I	1	«Meraveill me com negus honratz bars,
		Montan, diz be, si no·l fai eissamen,
		q’en loc del dir deu esser le chalars,
		qan taing qe·l faitz veingna primieramen;
	5	e·m meraveill com hom, ses cor d’atendre,
		pot prometre; qe fals prometres fai
		cel qui promet per mensongier reprendre,
		part l’avol crim qe l’enganç l’en atrai».
II		«S’entre·ls malvaz baros cor galiars,
	10	meraveilla, en Sordel, no m’en pren:
		tant es granz fais era prez e donars,
		qe cor no pot far boca ver dicen;
		mas avols hom s’en cuia aisi defendre
		ab gen mentir; pero el s’en dechai:
	15	q’als entendenz non pot hom far entendre
		qe ben estei aisso qe mal estai».