Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Codi: 437,016 Autor: Sordel Gènere: Cobla avec tornada Número: XXXVIII

 

Entre dolsor ez amar sui fermatz

I	1	Entre dolsor ez amar sui fermatz
		ab fin’amor qe·m destreing noich e dia;
		qe dolsors m’es qar am ma dols’amia,
		e m’es amar qar eu non sui amaz;
	5	e m’es dolsors sos genz cors e sa faz,
		e m’es amar q’il no·m fai nul secors;
		e m’es dolsors qe tan plazenz non regna,
		e m’es amar qar en s’amor no·m degna:
		q’aissi·m destreing mitadat fin’amors,
	10	qe totz lo montz m’es amars e dolsors.
II		Voillatz, si·us platz, dompna genser qe regna,
		qe de l’amar plazenz dolsors mi vegna;
		qe pos m’auci per lo dolz l’amarors,
		be·m deu garir de l’amar la dolsors.