Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Observacions

* Davantal
* Bibliografia
* Testimonis
* Aparat crític
* Traduccions
* Imatges

 

Appel, Carl. Zu Guillem Ademar, Grimoart Gausmar und Guillem Gasmar. Verhältnis dieser drei Trobadors zueinander. "Zeitschrift für romanische Philologie", 14 (1890), pp. 160-168.

Zenker, R., "Zu Guilhem Ademar, Eble d'Uisel und Cercalmon" > CdT: Observacions.

Codi: 323,011 Autor: Peire d'Alvernha Gènere: Vers Número: I

 

Chantarai d'aquest trobadors

I
1
Chantarai d’aquest trobadors
   
que chantan de manhtas colors,
   
e·l sordejor cuyda dir gen ;
   
mas a chantar lor er alhors,
 
5
qu’entremetre n’aug .c. pastors,
    q’us no sap que·s monto dizen.
     
II
 
D’aisso mer mal Peire Rogiers,
   
per que n’er encolpatz premiers,
   
quar chantet d’amor a prezen ;
 
10
e covengra·l mielhs us sautiers
   
en la gleir’ oz us candeliers
    portar ab grau candel’arden.
     
III
 
E·l segon Guiraut de Bornelh
   
que sembl’odre sec al solelh
 
15
ab son magre cantar dolen,
   
que canta vielha porta-selh ;
   
e si·s vezia en espelh,
    no·s prezaria un aguilen.
     
IV
 
E·l ters Bernatz de Ventadorn,
 
20
qu’es menres d’en Bornel un dorn ;
   
mas en son pair’ac bon sirven
   
per trair’ab arc manal d’alborn,
   
e sa maire calfava·l forn
    et amassava l’issermen.
     
V
25
E·l quart de Briva·l lemozis,
   
us ioglars pus prezentis
   
que sia tro qu’en Benaven ;
   
e semblaria us pelegris
   
malautes, quan canta·l mesquis,
 
30
qu’a pauc pietatz no me·n pren.
     
VI
 
E’n Guillems de Brives lo quins,
   
qu’es malatz defors e dedins,
   
e dit totz sos chans raucamen,
   
per qu’ieu non pretz res sos retins,
 
35
c’atrestan se·n faria us chins,
    e dels huehls sembla vout d’argen. 
     
VII
 
E·l seizes n’Elias Gausmars,
   
qu’es cavayers e vai ioglars ;
   
e fai ho mal qui loy cossen
 
40
ni·l dona vestirs belhs ni cars,
   
qu’aitan valria·ls agues ars,
    qu’enioglaritz se·n son ia cen.
     
VIII
 
E Peire Bermon se baysset,
   
pus que·l coms de Toloza·l det
 
45
qu’anc no soanet d’avinen ;
   
per que fon cortes qui·l raubet,
   
e fe o mal quar no·l tallet
    aquo que hom porta penden.
     
IX
 
E·l ochen Bernatz de Sayssac,
 
50
qu’anc negun bon mestier non ac,
   
mas que vai menutz dos queren,
   
qu’anc despueys no·l prezei un brac,
   
pus a’n Bertran de Cardalhac
    ques un vil mantelh suzolen.
     
X
55
E·l noves es en Raymbautz,
   
que·s fai per son trobar trop bauz ;
   
mas ieu lo torne a nien,
   
que non es alegres ni cautz,
   
et eu pretz trop mais los pipautz
 
60
que van las almornas queren.
     
XI
 
E’nn Ebles de Sagna·l dezes,
   
a cuy anc ben d’amor non pres,
   
si tot se canta de coyden ;
   
vilanetz es e fals pages,
 
65
e ditz hom que per dos poges
    sai se logua e lai si ven.
     
XII
 
E l’onzes Guossalbo Rozitz,
   
que·s fai per son trobar formitz
   
tan que cavallairia·n fen ;
 
70
et anc no fon tan ben garnitz
   
que per elh fos dos colps feritz,
    si doncs no·l trobet en fugen.
     
XIII
 
E·l dozes us petitz lombartz
   
que clama soven si coartz,
 
75
et elh es d’aquelh eys parven,
   
per q’us sonetz fai gualiartz
   
ab motz amaribotz bastartz ;
    e luy apel’hom Cossezen.
     
XIV
 
Peire d’Alvernhe a tal votz
 
80
que canta cum granolh’em potz,
   
e lauza·s trop a tota gen ;
   
pero maiestres es de totz,
   
ab q’un pauc exclarzis sos motz,
    qu’a penas nulhs hom los enten.
     
XV
85
fehlen
     
     
    Zu Grunde liegen CR. Ortographie nach C.

 

Siehe:

Cantarai d'aqestz trobadors

Chantarai d'aquels trobadors

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI