Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari
* Observacions

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Appel, Carl. Bernart von Ventadorn, seine Lieder, mit Einleitung und Glossar. Halle a. S.: Verlag von Max Niemeyer, 1915.

Codi: 377,004 Autor: Pons de la Garda Gènere: Canso Número: -

 

Mandat m'es que no·m recreja

I
1
      Mandat m’es que no·m recreja
   
      de chantar ni de solatz ;
   
      e quar plus soven no fatz
   
      chansos, m’o tenon a mal
 
5
sill a cui chans e deportz abelis ;
   
      et agrat de sos amis
          deu hom far, com que l’en prenda.
     
II
 
      Tota corteza fazenda :
   
      solatz, chanz e jocs e ris,
 
10
      mon ben d’amor, so m’es vis ;
   
      qu’en totz pretz ajud’ e val
   
amors trop mais d’autra re, so sapchatz,
   
      et ades n’es hom coitatz
          de far so que ben esteja.
     
III
15
      Don’, en cui pretz senhoreja,
   
      ab bel cors plen de beutatz,
   
      complit de totas bontatz,
   
      ieu muer ! mas a vos non cal.
   
pero nuils hom (d’aiso·m fauc ben devis)
 
20
      no·us er mais de cor tan fis !
          d’aiso no·us sai pas esmenda.
     
IV
 
      Non es nuls jornz, no m’ensenda
   
      dezirs de lei don languis.
   
      tal talent ai que la vis,
 
25
      c’un gran gaug complit coral
   
m’ai quan la vei, e mais res tan no·m platz,
   
      car non pot esser iratz
          nuils hom lo jorn que la veja.
     
V
 
      Lo deziriers e l’enveja
 
30
      que·m ve de leis, par foudatz,
   
      qu’aisi·m soi enamoratz
   
      que no consir de ren al.
   
merce vos clam, bela don’ ap clar vis,
   
      qu·ieu non ai, tan soi conquis,
 
35
      poder qu’estiers m’en defenda.
     
VI
 
      Sel qui ma chanso aprenda
   
       (sia loindas ho vezis),
   
      prec que la chant el päis
   
      al bel cors de linh reial,
 
40
gai e cortes, del mon on tot mi platz,
   
      qu’en lei es bos pretz prezatz,
          e cascuns lo li autreja.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI