Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Código: 461,215 Autor: Anonyme Género: Chanson religieuse, chanson de pénitence Número: XXIII

Qui vol savis viure membradament

I	1	Qui vol savi[s] viure membradament (f. 14)
		En aquest mon, non sia trop curos
		D’acap d’aver prezent ni a rescos,
		Car hom nol pot gauzir durablament ;
	5	Per que cascun deu aver sovinensa
		De sos peccatz e faire penedensa
		Car d’aquest mont es sobeirana flors
		Qui pot tornar conma peccaire bos.
II		Sot la prena ben ez adrechament (v°)
	10	E la fassa am fin cor corajos
		Quex tro la fin, segon qu’er poderos ;
		Car non quer mais ni plus soletament.
		Dons prena hom los bens en mantenensa
		Ez en vil mal non ai’ om s’entendensa,
	15	Ans si’ hom ben pentens e consiros
		De sels c’a(n) fatz an gran contreccions.
III		Car en aisi ho deu far bonamentz
		Homs que volra intrar et joy plentos
		Ni posezir per tostems ses coros,
	20	Que dezampar totz sos malvatz talentz.
		E sierva Dieu ab gran hobediensa,
		Ez en la fe aya bona crezensa,
		E vuell’ hobrar segon los bons sermos
		Que auzira dels bons prezicados.
IV	25	Car qui ben aus e ben es retenens
		Contrals autres a grans meilhurazons
		Que aus lo ben e l’auzir non l’es bons ;
		Car non reinha pas ben ni saviamentz
		Cel que s’arma gieta a mesprezansa,
	30	E si [al el] malvaiza conoisensa
		Car laisava so c’a plus aondos
		Ses remedi a tormens perilhos.