Appel, Carl. Das Leben und die Lieder des trobadors Peire Rogier. Berlin: Druck und Verlag von G. Reimer, 1882.

Code: 356,002 Auteur: Peire Rogier Genre: Vers Numero: 9

Dous' amiga no·n puesc mais

I	1	Dous’ amiga no·n puesc mais,
		mout me pesa qar uos lais
		e . . . . . . . . . . esmais ;
		e teng m’o a gran pantais,
	5	qar no·us abras e no·us bais
		e departen nostr’amor.
II		D’aitant sabchas mon talan,
		qe anc femna non amei tan,
		e no·us en aus far semblan
	10	ni trob per cui uos o man ;
		vau m’en ; a dieu uos coman,
		al espirital seinhor.
III		Non puesc mudar qe no·m plagna,
		qar se part nostra compagna ;
	15	eu m’en uauc en terra estragna ;
		mais am freidura e montagna
		no fas figa ni castagna
		ni ribeira ni calor.
IV		Lai s’en uai mos cors marritz,
	20	e çai reman l’esperiz ;
		et ai tant los uls fronçitz
		qe m’en dolon las raїtz ;
		mal o fai qi·ns a partitz,
		e non puesc auer baudor.
V	25	Sans e sals fora eu gueritz,
		qant serai acondormiz,
		si fos de leis tant aisiz,
		q’en semblant d’una perniz
		li baises sos oils uoltitz
	30	e la fresqetta color.
VI		Dous estars lai m’es ardura,
		e bons conortz desmesura,
		e sazїontas fraitura,
		e dїas clars noitz oscura ;
	35	per mon iouent qar peiura
		ai marriment e dolor.
VII		. . . . . . . . . . . . .
		. . . . . . . . . . . . .