Ricketts, Peter T. Les poésies de Guilhem de Montanhagol, troubadour provençal du XIIIe siècle. Toronto: Pontifical Institute of Mediaeval Studies, 1964.

Code: 225,001 Auteur: Guilhem de Montanhagol Genre: Deux coblas avec tornada Numero: II

A Lunel lutz una luna luzens

I	1	A Lunel lutz una luna luzens
		qe dona lum sobre totas lugors ;
		d’aqui pren lum jois, dompneis ez amors
		e gais solatz e beutatz e jovens.
	5	E qan le lums pres a Lunel luzensa,
		q’enlumina daus Tolsa part Proensa,
		estavan jois e dompneis tenebros,
		mas ara·ls fai Lunels luzir amdos.
II		Le noms del lum es clars e resplendens,
	10	q’aitan vol dir als bos entendedors
		Gauseranda com gai seran e sors
		cill qui veiran sos gais captenemens,
		e qe jois er donatz cui ill agensa,
		e qe jauzen seran de gran jauzensa
	15	ella e cill qe volra far joios :
		vers es le noms, qui be l’enten, e bos.
III		Guirautz Amics, li savi de Proensa
		diga·m del nom, si·ls platz, lor entendensa,
		qar si·n dizon miellz, eu no·n sui gilos,
	20	tan vuelh del nom qe vailla sobre·ls bos.