Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Traductions
* Images

Ricketts, Peter T. Les poésies de Guilhem de Montanhagol, troubadour provençal du XIIIe siècle. Toronto: Pontifical Institute of Mediaeval Studies, 1964.

Code: 225,003 Auteur: Guilhem de Montanhagol Genre: Sirventes Numero: IV

Bel m'es quan d'armatz aug refrim

I
1
Bel m’es quan d’armatz aug refrim
   
de trompas, lai on om s’escrim,
   
          e trazon prim
   
          l’arquier melhor,
 
5
          nostri e lor,
   
e vey de senhas bruelha:
   
          adoncx trassalh
   
          cor de vassalh,
    tro que sos cors s’erguelha.
     
II
10
Coms de Tolza, on plus esprim
   
los ricx, vos vey de pretz al cim,
   
          e vuelh qu’aissi·m
   
          don Dieus s’amor
   
          cum part l’aussor
 
15
vostre ricx pretz capduelha;
   
          sol qu’a un talh
   
          qui ara·us falh
    may ab vos no s’acuelha.
     
III
 
La Marcha, Foys e Rodes vim
 
20
falhir ades als ops de prim;
   
          per qu’ieu·ls encrim
   
          de part honor
   
          e de valor,
   
don quasqus si despuelha,
 
25
          qu’en talh sonalh
   
          an mes batalh
    don non tanh pretz los vuelha.
     
IV
 
Jamais no cug que·s desencrim,
   
quar trop s’a levat peior crim
 
30
          que·l de Caym,
   
          hom qui l’amor
   
          del ric senhor
   
de Toloz’era·s tuelha;
   
          quar qui defalh,
 
35
          ni a senhor falh,
    greu er que no s’en duelha.
     
V
 
Si·l reys Jacmes, cuy no mentim,
   
complis so qu’elh e nos plevim,
   
          segon qu’auzim,
 
40
          en gran dolor
   
          foran ab plor
   
Frances, qui qu’o desvuelha;
   
          e quar defalh
   
          qu’ades no salh,
 
45
totz lo mons lo·n reiruelha.
     
VI
 
          Engles, de flor
   
faitz capelh o de fuelha.
   
          No·us detz trebalh,
   
          neis qui·us assalh,
 
50
tro qu’om tot vos o tuelha.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI