Coulet, Jules. Le troubadour Guilhem Montanhagol. Toulouse: Imprimerie et Librairie Édouard Privat, 1898.

Code: 225,003 Auteur: Guilhem de Montanhagol Genre: Sirventes Numero: III

Bel m'es quan d'armatz aug refrim

I	1	Bel m'es quan d'armatz aug refrim
		De trompas, lai on om s'escrim,
		E trazon prim    l'arquier melhor
		Nostri e lor,
	5	E vey de senhas bruelha:
		Adoncx trassalh
		Cor de vassalh,
		Tro que sos cors s'erguelha.
II		Coms de Tolza, on plus esprim
	10	Los ricx, vos vey de pretz al cim;
		E vuelh qu'aissi·m    don Dieus s'amor
		Com part l'aussor
		Vostre ricx pretz capduelha,
		Sol qu'a un talh
	15	Qui ara·us falh
		May ab vos no s'acuelha.
III		La Marcha, Foys e Rodes vim
		Falhir ades als ops de prim;
		Per qu'ieu·ls encrim      de part onor
	20	E de valor,
		Don quasqus si despuelha,
		Qu'en tal sonalh
		An mes batalh
		Don non tanh pretz los vuelha.
IV	25	Jamais no cug que.s desencrim,
		Quar trop s'a levat pejor crim
		Que·l de Caïm      om qui l'amor
		Del ric senhor
		De Toloz' era·s tuelha;
	30	Quar qui defalh,
		Ni a senhor falh,
		Greu er que no s'en duelha.
V		Si.l reys Jacmes, cuy no mentim,
		Complis so qu'el e nos plevim,
	35	Segon qu'auzim,      en gran dolor
		Foran ab plor
		Frances, qui qu'o desvuelha;
		E quar defalh,
		Qu'ades no salh,
	40	Totz lo mons lo·n reiruelha.
VI		Engles, de flor
		Faitz capel o de fuelha.
		No·us detz trebalh,
		Neis qui·us assalh,
	45	Tro qu'om tot vos o tuelha.