Salverda de Grave, Jean-Jacques. Le troubadour Bertran d'Alamanon. Toulouse: Imprimerie et librarie Édouard Privat, 1902.

Code: 076,013 Auteur: Bertran d'Alamanon Genre: Deux coblas avec tornada Numero: XX

Nuls hom non deu eser meraveilaz

I	1	Nuls hom non deu eser meraveilaz
		S’eu non sui gai ni zaut alegramen,
		Car Deu e cilh a cui me sui donaz
		M’an trait de ioi e mis en pensamen :
	5	Ilh, car mi te in desesperamen,
		E Deus, car es trop mis eu sa ‘speransa ;
		E pois ambdos me donan malenansa,
		Ben a grant tort s’om zamais mi repren
		S’en perd mon zan, pois ai perdut mon sen.
II	10	Si anc a Deu pris d’ome pietaz,
		Per merzel prec q’il m’ai’ in zausimen
		E·m renda·l ioi dun sui per el raubaz,
		Car el meteus diz c’om a salvamen
		Non pot venir, se so que tol no ren ;
	15	E pois el ten de tot ren la balansa,
		Tornar mi deu per dreiz en benenansa :
		Se non o fai, son diz mezeis desmen,
		Don naisera gran eror illa jen.
III		Estat avem compagnon lonzamen,
	20	Amic Sordel, de ioi e d’alegransa,
		Mas ar m’a Deu mis en tan gran eransa
		Qes compaygna, cenz qe·m partra·m breumen,
		Si·n breu lo ioi qe Deus m’a tolt no·m ren.
IV		Beguinages — & Deu, car lo consen —
	25	A·m faiz e·m fai peiz de mort per un cen.