Dumitrescu, Maria. Poésies du troubadour Aimeric de Belenoi. Paris: Société des Anciens Textes Français, 1935.

Code: 009,012 Auteur: Aimeric de Belenoi Genre: Canso Numero: IV

Meravilh me cum pot hom apelhar

I	1	Meravilh me cum pot hom apelhar
		Amor sospirs e corals deziriers,
		Ni cum pot hom de sa dolor chantar ;
		Mas, quar non puesc dire mon cor estiers,
	5	Hieu chan forsatz, ab alques d'alegransa,
		Per so que tals aprengua ma chanso,
		Que la chan lai, don no·m part ni non so,
		Ni descobrir non l'aus ma malanansa.
II		Tug li cortes que ren sabon d'amar
	10	La devon dir de gaug e voluntiers,
		Que quascus deu en si meteus pensar
		Cum es grans mals paors de lauzengiers ;
		Qu'ieu era ricx de sola l'esperansa
		(Qu'anc, si·m sal Dieus ! d'als non aic sospeisso
	15	Ni elha cor), tro lauzengier felho
		Percasseron ma mort e ma erransa.
III		Aucir me fan doussamen, ses cuidar,
		A la belha que·m tolh totz alegriers,
		Que sa colors fresca, e·l dous esguar,
	20	E·l guais solatz savis e plazentiers,
		M'an e mon cor bastida una dansa
		Que·m pren quan fug, e·m met en tal preizo,
		Qu'issir no·n puesc, si mortz o amatz no —
		E la mortz es ma majer esperansa !
IV	25	Tan quan puesc sols ad una part estar,
		Me pays ab joy mos mortals cossiriers
		(Que m'a fait si autra ren oblidar,
		Qu'en luec no vey domnas ni cavalhiers
		Mas entorn lieys), que·m ten en remembransa
	30	Son dous pays e sa guaya faisso.
		Aquelh pessars me platz tant e·m sap bo,
		Que ma dolors me par grans alegransa.
V		Pero, d'aitan li vuelh merce clamar,
		Que, quan sera ab amans dreituriers,
	35	Que·m denh mo nom ab son solatz mesclar :
		Que tals m'en er nosabens messatgiers,
		Que m'en fara a·l cor gran alegransa
		Quan me dira d'aquel solatz, cum fo,
		E grans plazers ; c'us bels ditz, per raso,
	40	Endreg d'amor engual d'un fait balansa.
VI		De·l nostre rei me plagra d'Araguo
		Que, per son sen, disses d'oc o de no,
		Aissi cum pretz o requier et honransa.