Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Bibliographie
* Témoignage
* Notes
* Traductions
* Images

Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Code: 057,004 Auteur: Bernart d'Auriac Genre: Canso Numero: VI

S'ieu agués tant de saber e de sen

I
1
S'ieu agués tant de saber e de sen
   
Que saubés far bons motz ab novèl son,
   
Fòrt voluntiers fari' una cançon ;
   
Car ren non val sabers qui no'l despen.
 
5
Que s'avïatz mil marcs d'aur e d'argen,
   
E'ls tenïatz recondutz nuech e dia,
   
J'aquel tesaurs autre pro no'us tenria,
   
Ni sens non es entre las gens prezatz
    Tro qu'es en faitz o en dichz demostratz.
     
II
10
E qui sos dichz de bona razon pren
 
 
Non cal temer que diga si ben non ;
   
Et ieu sai los dire de tal razon
   
Dont dizent ver non puesc dir falhimen.
   
E sabètz dont ? Non, mas ieu solamen,
 
15
Ni ja neguns per quant privatz me sia
   
Non o sabrà : mas però si's sabria
   
Qu'anc non aguí plazer ni'n fui privatz,
    Mas sol d'aitant qu'en sui enamoratz.
     
III
 
Aiçò'n volgra, ses mal entendemen,
 
20
Ab ma dòmna jogar en sa maison
   
Un jòc d'escacs, ses autre companhon
   
Que non s'anès del jòc entremeten,
   
E qu'ieu'l dissés un escac sotilmen
   
En descubèrt, car plus bèl jòc seria.
 
25
Però vòlgra, car sa onor volria,
   
Que quand fora nostre jòc afinatz,
    Qu'eu remazés del jòc vencutz e matz.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI