Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Bibliographie
* Témoignage
* Notes
* Traductions
* Images

Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Code: 202,007 Auteur: Guilhem Ademar Genre: Sirventes Numero: IX

Ieu ai ja vista manhta rei

I
1
Ieu ai ja vista manhta rei
   
Dont anc non fis semblant que vis,
   
Ez ai ab tal jogat e ris
   
Dont anc gaire no'm n'azautèi,
 
5
Ez ai servit a manht òm pro
   
Ont anc non cobrèi gazardó ;
   
Ez a manh nèsci ab fòl parlar.
    Ai vist tròp ben far son afar.
     
II
 
Et ai ja vist per àvol drut
 
10
A dòmna marit desamar
   
Ez a manht nèsci acabar
   
Pus qu'az un franc aperceubut ;
   
E per dòmnas ai ja vist ieu
   
A manht òm metr' en folh lo sieu,
 
15
Ez ai ne vist amat ses dar
    E mal volgut ab molt donar.
     
III
 
Ieu ai vist dòmnas demandar
   
Ab plazers ez ab onramens,
   
Pueis veni' us desconoissens
 
20
Abrivatz de nèsci parlar
   
Que n'avia la miélher part.
   
Esgardatz si son de mal art !
   
Manhtas n'i a que'ls plus savais
    Acuelhon mielhs en totz lurs plais.
     
IV
25
Ieu ai vist en dòmnas ponhar
   
D'ensenhatz e de ben aprés
   
E'l nèsci avenir nemés
   
Que'l plus savi ab gen prejar ;
   
Ez ai vist nozer chausimen
 
30
A tròp-valer ab trichamen ;
   
Per que val mais, a mos entens,
    En luec foudatz que sobriers sens.
     
V
 
A dòmn' ai vist òm encolpar
   
De çò que non meria mal
 
35
E que çò laissavon de tal
   
Ont se pògr' òm a drech clamar.
   
Ez ai ja tal ren esgardat
   
Ont m' a en van mon cor virat ;
   
Per que m'a'n fait mos rics volers
    Manhtas vetz dans e desplazers.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI