Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Code: 446,001 Auteur: Lo Trobaire de Villa-Arnaut Genre: Sirventes Numero: XIX

Mal mon grat fatz serventula

I	1	Mal mon grat fatz serventula
		Dels rics malvatz, còr mortula,
		Car ilh non temon vergula,
		Car ses còr an lur corsul ;
	5	Per qu'ieu n'ai men[s] de raubula
		E mant joglar de cortula,
		Que'n fan tot jorn gran rancul
		Dels malvatz, trenca-linhula.
II		Qu'ieu sai un de (gran) paraiula,
	10	Cordatz del bratz tro la cula,
		Que's penh (en) plus que bagassula,
		Guerrejant prètz e valul,
		E val lor en malvestula
		Auletz e desconoissul.
	15	Ves com me'n non bèl compul,
		Si mals fretz dol[or]açula.
III		Mais val prous mòrtz qu'auls vidoira :
		Auls vius ten terr' en pacoira,
		Car non sap far mal ni boira ;
	20	Mal si fai a si metul,
		Car no's laissa tòst moroira.
		Mas Dieus qui la aziroira
		Vòl que viv' aunidamul
		En tota mal[a]ventoira.
IV	25	En tota malaventeira
		Viu cel qui non tem vergieira,
		Qu'En Girautz ditz d'En Bornieira,
		Que tòrtz es e grans pecul
		Que'l filhs tenga atreteira
	30	De renda e'l prèz so soneira,
		Que mielhs tanh tròp as autrul
		Que'n sapcha far son devieira.
V		Al pro comte tanh terreira
		De Fois, car tot jorn melheira
	35	E qu'a dòmnas fai corteira,
		Mais qu'òm[e]s d'aquel linhul.
		Però ben fai com comeira,
		Si fai le prous N'Oliveira ;
		Però sos filhs En Raimul
	40	Val ben a tot son podeira.
VI		Na Felipa, re fermeira,
		Cada jorn val lur valeira,
		Ma Dòmna, cilh de Narbul,
		Dieus li salve si viteira.