Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Code: 184,001=025,001 Auteur: Lo Coms de Proensa , Arnaut Genre: Tenso (Partimen) Numero: XXXII

Amics N'Arnautz, cent dòmnas d'aut paratge

I	1	Amics N'Arnautz, cent dòmnas d'aut paratge
		Van outra mar e son a meja via,
		E non pòdon lai complir lor vïatge,
		Ni çai tornar per nulha ren que sia,
	5	Si non o fan per aital covinen
		Qu'un pet façatz que mòva un tal ven
		Que las dòmnas vadan a salvamen.
		Fèr-l'etz o non ? que saber o volria.
II		Sénher En Coms, eu ai un tal usatge
	10	Qu'adès mantenh dòmnas e drudaria ;
		E si be'l petz no'm vengués d'agradatge,
		Faria lo, car si eu no'l fazia,
		Falhiria vas dòmnas malamen.
		E dic vos ben que s'ilh per altramen
	15	Non podion anar a salvamen
		Après lo pet, totz me concagaria.
III		Amics N'Arnautz, tròp parlatz malamen
		Et auretz ne gran blasme de la gen,
		(Que) passar voletz tan bèl còrs avinen
	20	Ab vent de cul en tèrra de Suria.
IV		Sénher En Coms, mout es mielhs per un cen
		Qu'ieu faça'l pet, que tan gai còrs plazen
		Se perdesson per fòl ensenhamen,
		Qu'ieu'm puòsc lavar quan concagatz seria.