Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Code: 027,002 Auteur: Arnaut Catalan Genre: Canso Numero: XLVI

Als entendens de chantar

I	1	Als entendens de chantar
		Ai fach un novèlh chantar ;
		E sapchatz qu'ieu non chantèra ;
		Mas Midòns vòl qu'ieu chant èra
	5	E, pus que mon chantar ai
		Fach, ieu eis lo'm chantarai,
		E vos, chantador, chantatz
		Qu'ieu chant, qui sui enchantatz.
II		Dreitz fora, qui ben chantès,
	10	Qu'autrui chant non deschantès.
		Mas lo meu non tem deschant,
		S'òm no'i met dels motz del chant,
		E nulhs òm ben non deschanta,
		S'en la rima, en qu'òm chanta,
	15	Non èra faitz lo deschans,
		Per qu'es ben segurs mos chans.
III		E sol Midòns, qu'ieu tant am
		Et amarai, no'm desam,
		Pauc tem autre desamor ;
	20	Qu'ieu l'am tan de fin' amor
		Que, quan me desamaria,
		Ieu ab tot si l'amaria.
		Mais l'amaria amatz,
		Cent aitans que desamatz.
IV	25	E s'ieu sui amatz amans,
		Rics soi, qu'ieu puèsc dir a mans
		Qu'ilh sap los crois desamar
		E'ls pros ad onor amar ;
		E s'ilh per mercé m'amava,
	30	Si ja pueis mi desamava,
		Al mieu tòrt mais non m'amès
		Nulh temps, ans mi desamès !
V		Mielhs sap dir e far plazer
		Que rics malvais desplazer ;
	35	Qu'ilh es als adreitz plazens
		Et als malvais desplazens.
		Et a cui que prètz desplaia,
		A lieis platz e tanh que'l plaia ;
		Tant platz qu'uns deis sieus plazers
	40	Tolria mil desplazers.