Frank, István. Ce qui reste d'inédit de l'ancienne poésie lyrique provençale. "Boletín de la Real Academia de Buenas Letras de Barcelona", 23 (1950), pp. 69-81.

Code: 227,005 Auteur: Guillem Peire de Cazals Genre: Canso Numero: I

A trop gran fereza·m tenh

I	1	A trop gran fereza·m tenh
		d'Amor qu’enaissi·m malme ;
		a tort va, pus non deve
		a mai negun qu'aissi·l tenha
	5	ni destrenha.
		Be volgra saber
		s'anc nulh em poder
		n'ac plus pueys que·l plac...
		.............
	10	lo quart ............. sobrier
		g ...... guelhs el ... [sobrieyra].
II		Doncx es .................
		... pus amor .............
		....... midons n .........
	15	............ iam capte[nha]
		.............
		......... nil doler
		............. [poder]
		....... amors cossi·m dechaya
	20	qu ..........
		...... ai tort, ni de re mal no·l mier ;
		s'alhors pren dan, mi·l ven, qui que lo·y meyra.
III		Empero de tan revenh
		q'uns guays cossirs m'en reve
	25	que·m mostra que per jasse
		suy ricx quon que bes me'n venha :
		tan aut renha
		e tant sap valer
		silh' en qui poder
	30	m'a mes; don ja noqua·m traya
		tro qu'ieu n'aya
		lo ric dezir qu'ieu n'aten tot entier.
		Pero ab meyns faria patz entieyra.
IV		Qu'ab sol que ma dona·m denh
	35	contra·l mal far alcun be,
		del mal no·m sentirai re.
		Si tant cossentir mi denha
		que·m retenha
		per far son voler,
	40	et ieu a poder
		servir-l'ai en tant' essaya
		que be·l playa.
		Qu'al sieu voler vuelh m'aya voluntier,
		sol q'una vetz l'aj' al mieu voluntieyra.
V	45	Qu'ieu sai ben qu'el mon no·s cenh
		genser una, ni·s cove.
		quar mais a, don don' e te,
		de so que bons pretz ensenha
		qu'om aprenha
	50	e man fait parer.
		E doncx mas poder
		a de tan, be·m par s'eschaya
		qu'ieu lieys aya,
		mas de beutat es aitals cum la quier :
	55	no·m parria qu'autre mielher conquieyra.
VI		Quar vos platz qu'ieu ben aya,
		domna guaya,
		moutas merces e motz gratz vo·n refier ;
		e neys n'Arditz prec merces vo·n refieyra.