Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Appareil critique
* Notes
* Traductions
* Images

Jeanroy, Alfred. Un sirventés politique de 1230. "Romania", 51 (1925), pp. 111-116.

Code: 022,001 Auteur: Amoros dau Luc Genre: Sirventes Numero: -

En Chantarel sirventez ab mos planz

I
1
En Chantarel sirventez ab mos planz
   
Et ab gai zon, portal al rei engles,
   
E digatz li qe, si de sai vengues,
   
Qe sei foran Maurestain e Roains,
 
5
E Mirabel e Pont a sa devisa,
   
E Pertonac .... e Rangos,
   
E sei fora Rochafort e .....,
    E Barsueir'e Toarts e Subisa.
     
II
 
E fora sieu Siurax e Lissinainz,
 
10
E la Marcha el comtat d'Engolmes,
   
E Lemozi, Peiragors, sil plagues,
   
Des Ronzasvals, tro sai vas Montalbainz,
   
E de Peiteu agra la tor conqiza,
   
Et Angivi et Normant e Bretos,
 
15
El cont Peire q'es tan larcs e tam pros
    Qe tot lo mont e Deus fai a sa guiza.
     
III
 
Ara, cant es lo reis joves e sains,
   
Degra venir guerrejar lo Frances,
   
E far assautz e sembels e conres,
 
20
E dar granz colps e ferir de sas mains,
   
Qe joves reis qi ben sa lanza briza
   
Et es arditz e pros e coratjos
   
Savis e larcs, humils et orgoillos,
    D'aqel diz hom qe bei es terra miza.
     
IV
25
Bona salsa e clar vi e blanc pains,
   
Chambras, fornels et asi demanes,
   
E garseillar, e conseil de plaides,
   
E cavalcar suau coma dianz
   
Vol mais lo rei qe desartar camiza,
 
30
E valgral mais ausberc et auberjos,
   
Elm, coirassas, perpoint et alcotos,
    Ar qe non a pel var ni barba griza.
     
V
 
E valgral mais la ciutat de .....
   
Qe cent lebrier ni mil corn cazaires,
 
35
E mais .... q'aver mil cabrols pres.
   
Oi ! reis engles, non siaz flacs ni vanz,
   
Qe ges aissi La Rochela n'er priza ;
   
Anz an mestier archiers e braimanzos,
   
E chavaliers e maestre engenios,
 
40
Qe valgra mais qe conseil de justizia.
     
VI
 
Bonna domna, mala, malaus ai viza,
   
E eu n'ai nom, domna : « Q’eu mal a fos ! »
   
Car non ausez ne mi ne mas chanzos,
    E car cresetz lauzengiers d'avol guiza.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI