Radaelli, Anna. Raimon Gaucelm de Béziers. Poesie. Firenze: La Nuova Italia, 1997.

Code: 401,004 Auteur: Raimon Gaucelm de Bezers Genre: Deux coblas avec tornada Numero: VIII

Belh Senher Dieus, quora veirai mo fraire

I	1	Belh Senher Dieus, quora veirai mo fraire,
		lo pro Raimon Gaucelm, franc de bon aire,
		que tan de be n’aug comtar e retraire?
		Que mal m’ira si no·l vei ans de gaire,
	5	quar manta gen
		ditz que valen
		pretz a, doncx ses estraire
		l’am de cor lïalmen.
II		Tant a fin pretz, fe que deg a mon paire,
	10	que dels valens es qu’anc nasques de maire,
		segon qu’aug dir, don l’am tan ses cor vaire
		que·l cor e·l sen e·l saber e·l vejaire
		e·l bon talen
		li diei corren,
	15	quo me dis son afaire
		e son bon estamen.
III		Bernatz, breumen
		li digatz gen
		que ieu vuelh dir e faire
	20	tostemps so mandamen.