Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 181,001=156,001 Auteur: Graf von Biandrate , Falquet de Romans Genre: Cobla (et réponse) Numero: XVII

Pois vezem qu'el tond e pela / Aissi com la clara stela

I	1	Pois vezem qu'el tond e pela,
		Falkez, e no gara cui,
		S'eu era no·m gart de lui.
		Serai folz, zo poira[n] dire;
	5	E consell li darai gen
		Et er folz s'el no l'enten:
		C’ades tegna viatge
		Dreit lai vas son estatge;
		Qe zai van las genz disen
	10	Qe per cinc cenz marcs d'argen
		No·ill calria metre gage.
II		[Aissi com la clara stela
		Guida las naus e condui,
		Si guida bos prez selui
	15	Q'es valens francs e servire,
		E sei fai gran faillimen
		Qe fo pros e se·n repen
		Per flac avol corage;
		Q'un sai c’a mes en gage
	20	Prez e valor e ioven,
		Si qe·l febres lo repren,
		Qi l’enqer, tant ll'es salvage.]