Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions

Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 006a,001=175a,001 Auteur: Aicart , Girart Cavallazzi Genre: Tenso (Partimen) Numero: XXX

Si paradis et enfernz son aital

   
Aycard de Fossat (1)
I
1
Si paradis et enfernz son aital,
   
Amics Girard, qon tot ior auzem dir,
   
In qal d'ams dos volez mais, ses iauzir
   
Ni ses dolor, per un mes prendre ostal
 
5
Per aprendre d'infern la pena greu:
   
En paradis, qon fan l'amic de Deu,
   
O inz infern, si qon hom sai apren
    Antres affars, demandan e vezen?
     
   
Girard Cavalaz (2)
II
 
Aycard, eu prenc lo soiorn que mais val,
 
10
Q'en paradis voill aprendre e chausir
   
Lo ben qe·i pren chascus per Dieu servir
   
E las ricors de la ioia eternal
   
E qon hom serf de paradis lo feu,
   
E qal Dieus ten pres de lui plus per seu,
 
15
Q'aisi poirai paradis veramen
    Leu conquerer, s'ieu non faill eissien.
     
   
Aycard de Fossat (3)
III
 
Girard, mais voill a mon pro vezer mal
   
Q'a mon dan ben; per q'en enfern desir
   
Vezer lo mal q'hom i pren per faillir
 
20
E las dolors de la pena enfernal,
   
E qal pena an Sarrazin e Judeu
   
E paubre e ric; q'aisi sabrai pois leu
   
Fugir infern e servir ben e gen
    Lo ioi maior q'hom conqer Dieu serven.
     
   
Girard (4)
IV
25
Servisi fagh per paor son venal,
   
Aycard, per qe no fan gaire a grazir,
   
Q'ieu non vei un gen far ni ben merir;
   
Mais s'ieu serf Dieu per sol' amor coral,
   
Conqier son grat d'aqel servir e·l meu;
 
30
E qar trastugh e Latin et Ebreu
   
Fol e senat van infern maldizen,
    Voill vezer zo don chascus a talen.
     
   
Aycard (5)
V
 
Girard, dur es zo qe mou d'altretal;
   
Don, s'infern vei, pro n'aurai eu qe·n mir
 
35
D'esqivar mal; qar plus dopta morir
   
Qi ve sa mort q'aicel q'es en loc sal;
   
E s'aisi es qon aug legir el breu
   
O qon vei peingh e escrigh a la pleu,
   
Greu pot nuls iois dar tan d'esbaudimen
 
40
Qon dona infernz, qi·l mira, d'espaven.
     
   
Girard (6)
VI
 
Aycard, s'en loc paubre trist e mortal,
   
On chascus perd, vos cuiaz enriqir,
   
Be·m deu l'ostals precios abelir,
   
On ha toz temps festa pasca e nadal;
 
45
Qe greu trai hom foc de glaz ni de neu
   
Ni ris de plor ni de mal ben, per q'eu
   
Voil Dieu vezer e sa cort e sa gen,
    E vos veiaz d'infern lo marrimen.
     
   
Aycard (7)
VII
 
Amics Girard, tan vos respon in breu:
 
50
Q'anc hom non vic la gran ricor de Deu,
   
Ni paradis no servic ben ni gen,
    S'enans non hac d'infern dopta e 'spaven.
     
   
Girard (8)
VIII
 
Tals dopta infern qe non serf gaire a Deu,
   
Amics Aycard, mais d'aizo non dopt'eu,
 
55
Q'hom in infern posca aprendre tan gen
    Servir a Dieu, qon qi·l ve de presen.

 

Note:

1) Soltanto in Br. ()

2) Manca in Harl. ()

3) Manca in Harl. ()

4) Manca in Harl. ()

5) Manca in Harl. ()

6) Manca in Harl. ()

7) Manca in Harl. ()

8) Manca in Harl. ()

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI